मुळ्याची कोशिंबीर

साहित्य - १ मुळा, १ हिरवी मिरची, ५/६ कढीपत्त्याची पानं, १५-२० डाळिंबाचे दाणे, लिंबू,मीठ, १ सपाट चमचा साखर, तेल,हिंग,मोहरी,जिरे,कोथिंबीर 

कृती - मुळा किसून घ्यावा.  एका छोट्या कढाईत १ चमचा तेल घालावे. तेल तापले कि अगदी थोड्याश्या जिरे आणि मोहरीची फोडणी करावी. फोडणीतच मिरची , कढीपत्ता टाकावा. gas  बंद करून किंचित हिंग टाकावा. हि फोडणी किसलेल्या  मुळयावर घालावी. मिश्रणात चवीनुसार मीठ, साखर आणि डाळिंबाचे दाणे टाकावे. चतकोर लिंबाची फोड पिळावी (अर्ध्या लिंबाच्या अर्धे ) वरून कोथिंबीर चिरून घालावी.

डाळिंबाचे दाणे घातले कि कोशिंबीर छान दिसते आणि खायलाही दाणे छान वाटतात.